Cordial bainvegni tar il med interactiv da rumantsch per la 5. classa che ha num splerins. Sin questa pagina chattais vus 50 differents exercizis tar las tematicas dal med da rumantsch splerins. Herzlich Willkommen auf der Internetseite mit interaktiven Lernaufgaben zum romanisch Unterricht der 5. Klasse. Die 50 interaktiven Aufgaben auf dieser Seite beziehen sich alle auf das romanisch Lehrmittel Splerins.
LA STEILA
Sas ti aunc seregurdar?
Tard er'ei el temps de primavera
Nus sesevan ina tgeua sera
Sin in baun
Maun en maun
Vid il tschiel ardevan sco candeilas
Sigl altar dil Segner melli steilas
En splendur
Digl azur.
Denter quellas tuttas sesanflava
Ina lunsch pli biala che mirava
Maiestus
Giu sin nus.
«Ti! sco lezza dei er nossa veta
Orda tuttas autras far pareta
E schi clar
Tarlischar!»
«Gie, sco lezza lein er nus adina
Sedistinguer dalla glieud cumina,
Star sisum
Dei nies num.»
Mo alzond puspei nus noss'egliada,
Ei la steila tut anetg curdada
Giu el stgir,
Per svanir.
«Co, sch'ei mass fors'er cun nus aschia?»
Trests nus essan lu semess sin via
Tut da tgeu,
Ti e jeu.
Sas ti aunc seregurdar?
Nua tutgan ils pleds en la poesia? Tira els en il dretg lieu! La rima da la poesia ta gida!
